პიეტრა

მოოქროვილი სამკაული იდეალური არჩევანია მათთვის, ვინც ეძებს ელეგანტურ იერს და ხელმისაწვდომ ფასს. თუმცა მნიშვნელოვანია ვიცოდეთ, რომ მოოქროვების სხვადასხვა ტექნოლოგიას განსხვავებული გამძლეობა აქვს. სწორი არჩევანი და მოვლა კი მნიშვნელოვნად ახანგრძლივებს სამკაულის სიცოცხლეს.

მოოქროვების ძირითადი ტიპები

1. გალვანიკური მოოქროვება (Electroplating)
ყველაზე გავრცელებული მეთოდი, რომლის დროსაც ოქროს თხელი ფენა ელექტრონული პროცესით გადადის ლითონის ზედაპირზე.
✔ ლამაზი და ბზინვარე იერი;
✖ შედარებით ნაკლებად გამძლე ყოველდღიური ტარებისთვის.

2. IP მოოქროვება – Vacuum Ion Plating
IP (Ion Plating) არის თანამედროვე ტექნოლოგია, რომელიც მიმდინარეობს ვაკუუმში და წარმოადგენს PVD მოოქროვების ერთ-ერთ ყველაზე გამძლე ტიპს. ოქროს იონები მაღალი ენერგიით ედება ზედაპირს, რის შედეგადაც ფენა მჭიდროდ ეკვრის ლითონს.
✔ ძალიან გამძლე და სტაბილური ფერი;
✔ ნაკლებად ცვდება და არ იშლება;
✔ გამძლეა ტენიანობისა და ოფლის მიმართ;
✔ იდეალურია ყოველდღიური ტარებისთვის.

3. Gold Filled (ოქროთი შევსებული)
ამ შემთხვევაში ოქროს სქელი ფენა მექანიკურად არის შეერთებული საბაზისო ლითონთან.
✔ უფრო გამძლეა, ვიდრე კლასიკური მოოქროვება;
✔ კარგია მგრძნობიარე კანისთვის;
✖ შედარებით მაღალი ფასი აქვს.

რომელი მოოქროვებაა ყველაზე გამძლე?

თუ სამკაულის ხშირი ტარება გსურთ – გინდათ, რომ ფერი დიდხანს შეინარჩუნოს და შედარებით ბიუჯეტური იყოს, IP მოოქროვება საუკეთესო არჩევანია.

როგორ მოვუაროთ მოოქროვილ სამკაულს?

მიუხედავად ტექნოლოგიის ხარისხისა, სწორი მოვლა აუცილებელია:

• ❌ მოერიდეთ წყალთან, სუნამოებთან და ქიმიურ საშუალებებთან კონტაქტს;
• ❌ არ ატაროთ სპორტის, ძილის ან აბაზანის დროს;
• ✔ შეინახეთ ცალკე, რბილ ჩანთაში ან ყუთში;
• ✔ გაწმინდეთ მშრალი, რბილი ქსოვილით;
• ✔ გაიკეთეთ ბოლოს და მოიხსენით პირველი.

სწორი მოვლის პირობებში, განსაკუთრებით IP მოოქროვებული სამკაული, დიდხანს შეინარჩუნებს ბზინვარებას და პირვანდელ იერს.

ნატურალური ტყავი განსაკუთრებული მასალაა — დროთა განმავლობაში იღებს უნიკალურ ფაქტურას და ხასიათს, მაგრამ მას სჭირდება სწორად მოვლა, რომ დიდხანს შეინარჩუნოს სილამაზე და სიმტკიცე.

👉 აი რამოდენიმე მარტივი რჩევა:

1. მოარიდეთ წყალს
   ცურვისას, შხაპის მიღებისას ან წვიმაში — უმჯობესია სამაჯური მოიხსნათ. წყალი (განსაკუთრებით ქლორიანი ან მარილიანი) აშრობს ტყავს და აჩენს ლაქებს.
2. არ გამოაშროთ მზეზე ან რადიატორზე
   თუ ტყავი მაინც დასველდა, გაამშრალეთ რბილი ნაჭრით და დატოვეთ ჰაეროვან, მშრალ ადგილას. არ გამოიყენოთ ფენი ან სითბო — ამან შეიძლება მყიფე გახადოს და დააზიანოს მასალა.
3. არ გამოიყენოთ ალკოჰოლზე დაფუძნებული საწმენდები
   ტყავის ზედაპირი მგრძნობიარეა ქიმიური ნივთიერებების მიმართ. გამოიყენეთ სპეციალური ტყავის კონდიციონერი ან ნეიტრალური რბილი ნაჭერი.

✨ თუ სწორად მოუვლით, თქვენი სამაჯური კიდევ უფრო ლამაზი გახდება წლების განმავლობაში — რადგან ნამდვილი ტყავი ყოველთვის ყვება ისტორიას.

ჩვენი ხელნაკეთი ნატურალური ტყავის სამაჯურები შეგიძლიათ აქ ნახოთ: https://pietrajewellery.com/?orderby=date&product_tag=leather-bracelet&paged=1

ფირუზი უძველესი დროიდან პოპულარულ ძვირფას ქვას წარმოადგენს. ის ევროპაში აბრეშუმის გზით შედიოდა თურქეთის გავლით (აქედან მისი ინგლისური სახელწოდება “Turquoise”).  ის ალუმინის და სპილენძის ფოსფატს წარმოადგენს. ქიმიური ფორმულა CuAl6(OH)2[PO4]·4H2O . 

რას ამბობენ ეზოთერიკოსები

ფირუზი გამარჯვების, წარმატების და ბედნიერების ქვაა. აღმოსავლეთში   ფირუზი მეომრების თილისმად ითვლებოდა. ფირუზით ხშირად ამკობნდენ ხმლის ვადას და ქარქაშს. ამავე დროს, ფირუზი დაკავშირებულია ძალაუფლებასთან, ლიდერობასთან, სამართლიანობასთან. ის ძალას მატებს ბოროტებასთან მებრძოლ ადამიანებს. ფირუზი მაშინ ეხმარება მფლობელს, თუ ის კეთილსინდისიერი და ღირსეული ადამიანია. წინააღმდეგ შემთხვევაში,  პრობლემების შექმნაც შეუძლია.

ფირუზი ხელს უწყობს შინაგან პროცესებზე კონცენტრაციას, ძველი, გადაუჭრელი პრობლემების მოსაგვარებლად ახალი გზების მიგნებას, საუკეთესო დამხმარეა მედიტაციის დროს და ზუსტი მეცნიერებით დაკავებული ადამიანებისთვის. ფირუზის ტარება რეკომენდებულია გამბედავი და რისკიანი ადამიანებისთვის. ფირუზი სასიკეთო გავლენას ახდენს ოჯახის მატერიალურ მდგომარეობაზე და ფსიქოლოგიურ ატმოსფეროზე. 

რას ამბობენ ასტროლოგები

ზოდიაქოს ნიშნები, რომლებსაც ყველაზე მეტად შეესაბამება ფირუზი: კურო, მორიელი, მშვილდოსანი, მერწყული და თევზები.

ფირუზით შემკული ჩვენი სამკაულის კოლექცია იხილეთ აქ!

ლაბრადორიტი გაბროიდების ოჯახის მაგმურ ქანს წარმოადგენს. ის ჩრდილოეთ ამერიკაში, ლაბრადორის ნახევარკუნძულზეა აღმოჩენილი.

რას ამბობენ ეზოთერიკოსები

ლაბრატორიტი ერთ-ერთი ყველაზე ძლიერი დამცავი ქვაა.  ზოგიერთი ტრადიციით ლაბრადორიტს სახლის კარის ზღურბლქვეშ ათავსებდნენ, რომ ოჯახში ვერ შეეღწია ავი ზრახვების მქონე ადამიანს. სხვა ტრადიცით ლაბრადორიტის ქვა, როგორც ოჯახის საუკეთესო დამცველი, გამოსაჩენ ადგილას უნდა მოთავსებულიყო, რომ მისი ძალა მთელ სახლს მისწვდომოდა და ოჯახის ყველა წევრს ყოველთვის დაენახა. ლაბრადორიტი იცავს მფლობელს ხიფათისაგან. ამიტომ ის საუკეთესო თილისმაა მათთვის, ვისაც უყვარს ან უწევს სარისკო საქმის კეთება. თუ ადამიანს წინასწარმეტყველების უნარი გააჩნია, ლაბრადორიტი დაეხმარება ამ უნარის გაძლიერებაში. ლაბრადორიტი მაძიებელი, მაგრამ მიწაზე მყარად მდგომი ადამიანების თილისმაა, რადგან ხელს უწყობს  მოვლენების  სწორად გაანალიზების, სწორი პროგნოზების კეთების უნარს, აძლიერებს ადამიანის შემოქმედებით მხარეს.

რას ამბობენ ასტროლოგები

ლაბრადორიტი ყველაზე მეტად შეესაბამება ლომის, მორიელისა და მშვილდოსნის  ნიშნის ქვეშ დაბადებულებს. 

სერპენტინი სილიკატური ჯგუფის მინერალი. სიმაგრე მოოსის შკალით 2,5-4. სიმკვრივე 2,2-2,9გრ/სმ3.

რას ამბობენ ეზოთერიკოსები

ითვლება, რომ სერპენტინი გამწმენდი ქვაა და  ასუფთავებს ასტრალური ჭუჭყისგან, ადამიანის დაზიანებული ველიდან განდევნის უარყოფთ ემოციებს და წარმონაქმნებს. ამიტომ ამ ქვას იყენებენ  სომატური და ფსიქიკური დაავადებების მკურნალობისას. სერპენტინის ამულეტი იცავს ავი თვალისგან და ჯადოსგან. ეხმარება მათ, ვისაც სამყაროს დაფარული კანონზომიერებების შეცნობის სურვილი გააჩნია და საიდუმლო მეცნიერებებით არის დაინტერესებული. შამანები და ქურუმები სერპენტინს იყენებდნენ მედიტაციის გასაძლერებლად და მიღმიერ სამყაროსთან  დასაკავშირებლად. სერპენტინი იწოვს მფლობელზე მიმართულ ნეგატიურ ენერგიასაც და თვითონ მფლობელის უარყოფით განცდებსაც. უარყოფითი ენერგიისგან გასასუფთავებლად საჭიროა  ქვა პერიოდულად წყალში მოვათავსოთ. სერპენტინის ძლიერი ენერეტიკა მფლობელს ანიჭებს სულიერ წონასწორობას და დაცულობის განცდას.

რას ამბობენ ასტროლოგები

სერპენტინი ყველაზე მეტად ქალწულის ნიშნის ქვეშ დაბადებულებს შეესაბამება. ასევე, კარგად ეწყობა კუროს, თხის რქას და მორიელს.

მარგალიტი  ორგანული ძვირფასი ქვების ერთ-ერთი წარმომადგენელია. — მინერალური წარმონაქმნი, რომელიც ვითარდება ზოგიერთი მოლუსკის  სხეულში მოხვედრილი უცხო სხეულის გარშემო სადაფის შემოზრდით. მარგალიტის ქიმიური შედგენილობაა CaCO3. არსებობს თეთრი, მოვარდისფრო, ყვითელი და შავი მარგალიტი. ზომით მიკროსკოპულიდან რამდენიმე სმ-მდეა. აქვს გლუვი ბზინვარე ზედაპირი. სწორი ფორმის მსხვილი მარგალიტი მეტად ძვირფასია. მას ძველთაგანვე იყენებენ სამკაულებისათვის.

რას ამბობენ ეზოთერიკოსები

მარგალიტი ქალური საწყისის და წყლის სტიქიის ენერგიის მატარებელია. ხელს უწყობს კეთილდღეობას, ჯანმრთელობას, დღეგრძელობას და ბედნიერებას. მარგალიტი სიყვარულისა და ერგულების სიმბოლოა, სისუფთავესა და უმანკოებას განასახიერებს. მას შეუძლია დაგიცვათ მოღალატე ადამიანებისგან. მარგალიტის ტარება სულიერ სიმშვიდეს და წონასწორობას მოგანიჭებთ, შეგმატებთ რწმენას და სიბრძნეს, დაგეხმარებათ საკუთარი თავის პოვნაში. 

ითვლება, რომ მარგალიტი ძალიან მალე ეჩვევა თავის მფლობელს და რეაგირებს მის მდგომარეობაზე.

მარგალიტი, როგორც ერთგულებისა და სიყვარულის სიმბოლო,  ხშირად გამოიყენება ხატებისა და საეკლესიო ნივთების შესამკობად.

რას ამბობენ ასტროლოგები

ზოდიაქოს ნიშნებიდან მარგალიტს შეესაბამება კირჩხიბი, სასწორი და თევზები.

აგატი კვარცის SiO2 -ის ფარულკრისტალური სახეობაა. მოოსის შკალით სიმაგრე 6,5-7. სიმკვრივე 2,6 გ/სმ3. ნახევრად გამჭვირვალე ან გაუმჭვირვალე. ის ფერების თითქმის მთელ პალიტრას მოიცავს, რასაც სხვადასხვა აქცესორული მინერალები განსაზღვრავენ.

რას ამბობენ ეზოთერიკოსები

ბუნებში აგატის ბევრი სახეობა არსებობს და ყველა მათგანს განსხვავებული მაგიური თვისებები აქვს, მაგრამ ყველა სახის აგატი იცავს მფლობელს უარყოფითი ზემოქმედებისგან. ეს არის ძლიერი დამცავი ქვა, რომელსაც წარმატების მოტანაც შეუძლია, რადგან აძლიერებს პოზიტიურ შინაგან ენერგიას, მატებს საკუთარი თავის რწმენას, გონიერებას და წინდახედულებას. აქატი მფლობელს ეხმარება, ღრმა სიბერემდე შეინარჩუნოს სულიერი წონასწორობა და ჯანსაღი ფსიქიკა. ითვლება, რომ აგატი ხელს უწყობს ორატორული და შემოქმედებითი უნარების განვითარებას, ამიტომ საუკეთესო თილისმაა არტისტული და შემოქმედებითი ბუნების ადამიანებისთვის. აქატი მფლობელის გარშემო ჰარმონიულ აურას ქმნის და ირგვლივმყოფებში მისდამი კეთილგანწყობას ბადებს. თუ აქატს აჩუქებთ ადამიანს, რომელიც მოგწონთ, მისგანაც საპასუხო სიმპათიას მოიპოვებთ, ხოლო თუ საყვარელ ადამიანთან დროებით განშორება გიწევთ, აჩუქეთ ერთმანეთს აქატის ქვები და თქვენს გრძნობებს დრო და მანძილი ვერაფერს დააკლებს.

რას ამბობენ ასტროლოგები

ყვლა სახის აგატი ყველაზე უკეთ მოერგება კუროს. ასევე შეესაბამება მერწყულის, კირჩხიბის, ტყუპებისა და სასწორის ნიშნით დაბადებულებს.

როგორ გავარჩიოთ ერთმანეთისგან ტიტანის და საიუველირო ფოლადის სამკაული?

საიუველირო წარმოებაში დიდი ხანია წარმატებით გამოიყენება და დიდი მოთხოვნილებით სარგებლობს ტიტანის და ფოლადის სამკაული.

რითი განსხვავდება ეს ორი მეტალი და რა თვისებები გააჩნია მათ?

ტიტანის ძირითადი მახასიათებელია სიმაგრე და სიმსუბუქე. ის თითქმის აბსოლუტურად ინერტულია გარემოსთან (ანუ არ იჟანგება და ფერს არ იცვლის) და ჰიპოალერგენულია. ამ მეტალით დამზადებულ სამკაულს უნდა ერტყას დამღა “Titanium”. საიუველირო ფოლადთან შედარებით ის ბევრად უფრო ძვირი ღირს და უჩვეულოდ მსუბუქია.

რაც შეეხება საიუველირო ფოლადს: ამ მეტალის სახელწოდებაა “316L”. ეს უკანასკნელი ასევე ფართოდ გამოიყენება საათების წარმოებასა და ორთოპედიაში, ვინაიდან, როგორც ტიტანს, მასაც გააჩნია ანტიალერგიული თვისებები და აბსოლუტურად მდგრადია გარემოსთან. ამ მეტალისგან დამზადებულ სამკაულზე შეიძლება მითითებული იყოს: 316L, St. Steel ან Stainless Steel.